പത്തനംതിട്ട: സീതത്തോട് ആദിവാസി ഊരില് വന്യമൃഗങ്ങളെ പേടിച്ച് രാത്രി ഏറുമാടത്തില് കഴിയുന്ന ഗര്ഭിണിയേയും കുട്ടികളേയും സംരക്ഷിക്കാന് അടിയന്തര നടപടി സ്വീകരിക്കാന് ആരോഗ്യ വകുപ്പ് മന്ത്രി വീണാ ജോര്ജ് നിര്ദേശം നല്കി. സുരക്ഷിതമായി താമസിപ്പിക്കാനും മതിയായ ചികിത്സ ഉറപ്പാക്കാനും വനിത ശിശുവികസന വകുപ്പിനും ആരോഗ്യ വകുപ്പിനുമാണ് മന്ത്രി നിര്ദേശം നല്കിയത്. 8 മാസം ഗര്ഭിണിയായ പൊന്നമ്മയും ഭര്ത്താവും രണ്ട് ചെറിയ കുഞ്ഞുങ്ങളും 40 അടി ഉയരമുള്ള ഏറുമാടത്തില് കഴിയുന്നെന്ന വാര്ത്ത ശ്രദ്ധയില്പ്പെട്ടതിനെ തുടര്ന്നാണ് മന്ത്രിയുടെ നടപടി.
പത്തനംതിട്ട ളാഹ മഞ്ഞത്തോട് ആദിവാസി ഊരി രാജേന്ദ്രന്, ഭാര്യ പൊന്നമ്മ എന്നിവരാണ് വന്യമൃഗങ്ങളുടെ ആക്രമണത്തില് നിന്ന് രക്ഷതേടി മരത്തെ വീടാക്കിയത്. യുവതിയെ അടിയന്തരമായി ആശുപത്രിയിലേക്ക് മാറ്റിയിട്ടുണ്ട്. പ്രാഥമിക പരിശോധന നടത്തിയ ശേഷം പൊന്നമ്മയേയും മക്കളേയും മഹിളാ മന്ദിരത്തില് താമസിപ്പിക്കുമെന്ന് മന്ത്രി വ്യക്തമാക്കി.
