തിരുവനന്തപുരം : കുട്ടികളുടെ വാക്സിനേഷന് പാളിയെന്ന വാര്ത്തയില് പ്രതികരണവുമായി ആരോഗ്യ മന്ത്രി വീണാ ജോര്ജ്. വാര്ത്ത തെറ്റാണെന്ന് മന്ത്രി അറിയിച്ചു. വാക്സിന് ഇതുവരെ 57,025 കുട്ടികള്ക്ക് നല്കി. തെറ്റായ വാക്സിനേഷനെതിരെയുള്ള പ്രചരണങ്ങള് അവസാനിപ്പിക്കണമെന്നും മന്ത്രി ആവശ്യപ്പെട്ടു.12 മുതല് 14 വയസുവരെ 751 പേര്ക്കു മാത്രമാണ് മൂന്നാഴ്ചയായിട്ടും വാക്സിന് ലഭിച്ചതെന്ന് വാര്ത്ത വന്നിരുന്നു.
ഒരു ഡോസ് വാക്സിന് വാക്സിനേഷന് എടുക്കേണ്ട ജനസംഖ്യയുടെ 100 ശതമാനം പേര്ക്ക്നും എടുത്തിട്ടുണ്ട്. അതായത് ഒന്നാം ഡോസ് 2,69,37,665 പേര് എടുത്തപ്പോള് രണ്ട് ഡോസ് വാക്സിനും നല്കിയത് 87 ശതമാനം പേര്ക്കാണ് .2,33,58,584)പേര്ക്ക് രണ്ടാം ഡോസ് നല്കി. 15 മുതല് 17 വയസുവരെയുള്ള 79 ശതമാനം (12,10,093) കുട്ടികള്ക്ക് ആദ്യ ഡോസ് വാക്സിനും 47 ശതമാനം (7,26,199) പേര്ക്ക് രണ്ട് ഡോസ് വാക്സിനും നല്കി. ഇതുകൂടാതെ 41 ശതമാനം കരുതല് ഡോസിന് അര്ഹരായവര്ക്ക് (11,99,404) കരുതല് ഡോസും നല്കിയിട്ടുണ്ട്.
