ഉഴുന്നുപോലെ തന്നെ തനിവിളയായി നെൽപ്പാടങ്ങളിലും പുഞ്ച കാലത്തും ഇടവിളയായി മറ്റു കൃഷികൾക്ക് ഒപ്പം കൃഷി ചെയ്യാവുന്ന ഒന്നാണ് ചെറുപയർ. ഓണാട്ടുകര പ്രദേശത്ത് പുഞ്ച കാലത്ത് നെൽപ്പാടങ്ങളിൽ കൃഷിചെയ്യാൻ യോജിച്ച ഇനമാണ് ഇത്. കായ്തുരപ്പൻ പുഴുവിനെതിരെ പ്രതിരോധശേഷിയുള്ള ഈ ഇനത്തിന്റെ മൂപ്പ് 66 ദിവസമാണ്. തനിവിളയായി കൃഷി ചെയ്യുമ്പോൾ ഒരു ഹെക്ടറിൽ വിതയ്ക്കാൻ 20 മുതൽ 25 കിലോഗ്രാം വിത്ത് അവശ്യമായി വരും. ഇടവിളയാകുമ്പോള് ആകുമ്പോൾ 6 കിലോ ഗ്രാം വിത്ത് വേണ്ടിവരും.
നല്ലപോലെ ഉഴുതു നിരപ്പാക്കി അതിനുശേഷം വെള്ളം വാർന്നു പോകുവാനായി രണ്ട് മീറ്റർ അകലത്തിൽ ചാലുകൾ എടുക്കണം. ആദ്യ ഉഴവോടുകൂടി തന്നെ 20 ടൺ കാലിവളം, 250 കിലോഗ്രാം കുമ്മായം(അല്ലെങ്കിൽ 400 കിലോഗ്രാം ഡോളമൈറ്റ്) ചേർക്കണം. പിന്നീട് ഹെക്ടറിന് യഥാക്രമം 10:30:30 കിലോഗ്രാം എന്ന തോതിൽ ചേർക്കേണ്ടതാണ്. ശേഷം 15 ദിവസം ആകുമ്പോഴും 30 ദിവസം ആകുമ്പോഴും 2 ശതമാനം വീര്യമുള്ള യൂറിയ ലായനി ഇലകളിൽ തളിച്ച് കൊടുക്കാവുന്നതാണ്.
