കോഴിക്കോട് : വാഹനനികുതി അടക്കാത്തതില് കോഴിക്കോട്ട് ഇന്ഡിഗോ എയര്ലൈന്സിന്റെ ബസ്സ് കസ്റ്റഡിയില് എടുത്ത സാഹചര്യത്തില് പരിശോധന വ്യാപകമാക്കാന് മോട്ടോര്വാഹനവകുപ്പ്. ആറു മാസത്തെ നികുതി കുടിശ്ശികയുള്ളതായി കണ്ടെത്തിയതിനെ തുടര്ന്നാണ് ഇന്റിഗോ ബസ് വകുപ്പ് പിടിച്ചെടുത്തത്. കോഴിക്കോട് ജില്ലയിലെ ഫറോക്ക് ചുങ്കത്ത് അശോക് ലെയ് ലന്ഡ് ഷോറൂമില് നിന്നാണ് വാഹനം കസ്റ്റഡിയിലെടുത്തത്.40,000 രൂപയാണ് കമ്ബനി നികുതിയായി അടയ്ക്കാനുള്ളത്.
അതേസമയം ഇന്ഡിഗോ എയര്ലൈന്സ് ബസ് കസ്റ്റഡിയിലെടുത്ത സംഭവത്തെ കെപിസിസി അധ്യക്ഷന് കെ സുധാകരനും പ്രതിപക്ഷ നേതാവ് വി ഡി സതീശനും വിമര്ശിച്ചു. ഇന്ഡിഗോ ബസ് പിടിച്ചിട്ടത് അല്പത്തരമാണെന്നും എന്ത് പ്രതികാര നടപടിയും കൈക്കൊള്ളുമെന്നതിന് തെളിവാണെന്നും സുധാകരന് പറഞ്ഞു.
