കോട്ടയം: അടിമാലിയിലെ പഞ്ചനക്ഷത്ര വേശ്യാലയത്തിലെ നിത്യസന്ദര്ശകനായ സിവിള് പോലീസ് ഓഫീസര്ക്ക് സസ്പെന്ഷന്. ഇടുക്കി ആംഡ് റിസേര്വ് ക്യാമ്ബിലെ ഡ്രൈവര് വിനോദിനെയാണ് ജില്ലാ പോലീസ് സൂപ്രണ്ട് കറുപ്പസ്വാമി സസ്പെന്ഡ് ചെയ്തത്. വാടകയ്ക്ക് എടുത്തിരുന്ന ഹോംസ്റ്റേയിലെ വേശ്യാലയത്തില് കഴിഞ്ഞയാഴ്ച അടിമാലി പോലീസ് റെയ്ഡ് നടത്തി നാലു സ്ത്രീകള് ഉള്പ്പെടെ ഏഴു പേരെ പിടികൂടിയിരുന്നു. ബെംഗളൂരു, എറണാകുളം, കോഴിക്കോട് എന്നിവിടങ്ങളില് നിന്നാണ് പെണ്കുട്ടികളെ എത്തിച്ചിരുന്നത്. പുതിയതായി ഏത് പെണ്കുട്ടിവന്നാലും വിനോദിനെ അറിയിക്കണമെന്നായിരുന്നു റിസോര്ട്ട് ഉടമയ്ക്ക് വിനോദ് നല്കിയിരുന്ന നിര്ദ്ദേശം.
ഡ്രൈവര് വിനോദ് ഇവിടെ നിത്യസന്ദര്ശകനായിരുന്നുവെന്ന വാര്ത്ത പരന്നതോടെയാണ് ഇയാള്ക്കെതിരെ സ്പെഷ്യല് ബ്രാഞ്ച് അന്വേഷണം നടത്തിയത്. കൂടാതെ വേശ്യാലയം നടത്തിപ്പിന് എല്ലാവിധ സഹായവും ഇയാള് ചെയ്തുകൊടുത്തിരുന്നുവെന്ന് അറിവാകുകയും ചെയ്തു. ഇതോടെയാണ് സ്പെഷ്യല് ബ്രാഞ്ച് അന്വേഷണം നടത്തി റിപ്പോര്ട്ട് എസ്.പി ക്ക് സമര്പ്പിച്ചത്. തുടര്ന്ന് ജില്ലാപോലീസ് മേധാവി അന്വേഷണ വിധേയമായി വിനോദിനെ സസ്പെന്ഡ് ചെയ്തു.
