ബെംഗളുരു: കര്ണ്ണാടകയിലെ വോട്ടര്മാര്ക്ക് നന്ദിയറിയിച്ച് എഐസിസി ജനറല് സെക്രട്ടറി പ്രിയങ്ക ഗാന്ധി. രാജ്യത്തെ ഒന്നിപ്പിക്കുന്ന രാഷ്ട്രീയത്തിന്റെ വിജയമാണ് കര്ണാടകയിലേതെന്ന് പ്രിയങ്ക ഗാന്ധി പറഞ്ഞു. ജനങ്ങള്ക്ക് നല്കിയ വാഗ്ദാനങ്ങള് പാലിക്കുമെന്നും പ്രിയങ്ക വ്യക്തമാക്കി. കേവല ഭൂരിപക്ഷത്തിനും മുകളില് 137 സീറ്റുകളാണ് കര്ണാടകയില് കോണ്ഗ്രസിന് ലഭിച്ചിരിക്കുന്നത്.
അതേസമയം കര്ണാടകയില് വെറുപ്പിന്റെ കട പൂട്ടി സ്നേഹത്തിന്റെ കട തുറന്നുവെന്നും ഇത് എല്ലാ സംസ്ഥാനത്തും ആവര്ത്തിക്കുമെന്നും രാഹുല് ഗാന്ധി പറഞ്ഞു. ഇത് ജനങ്ങളുടെ വിജയമാണ്. ചങ്ങാത്ത മുതലാളിത്തത്തിന് മേലുള്ള വിജയമാണിത്. കര്ണാടകയില് സാധാരണക്കാരുടെ ശക്തി വിജയിച്ചു. പോരാട്ടം നടത്തിയത് സ്നേഹത്തിന്റെ ഭാഷയിലെന്നും രാഹുല് ഗാന്ധി പറഞ്ഞു. ജനങ്ങള്ക്ക് നല്കിയ വാക്ക് പാലിക്കും. സാധാരണക്കാരനൊപ്പം പാര്ട്ടിയുണ്ടാകുമെന്ന് രാഹുല് വ്യക്തമാക്കി.
