കൊച്ചി : യുവനടിയെ പീഡിപ്പിച്ച കേസിലെ പ്രതിയായ നടനും നിര്‍മ്മാതാവുമായ വിജയ് ബാബു ഇന്ന് കൊച്ചിയില്‍ തിരിച്ചെത്തും. രാവിലെ ഒമ്പതരയോടെ എത്തുമെന്നാണ് സൂചന. തുടര്‍ന്ന് എറണാകുളം സൗത്ത് പോലീസ് സ്റ്റേഷനില്‍ ഹാജരാകും. അറസ്റ്റ് ചെയ്യരുതെന്ന കോടതി നിര്‍ദേശമുള്ളതിനാല്‍ ചോദ്യം ചെയ്യലിന് ശേഷം വിട്ടയക്കും. കേസില്‍ നടന് ഇന്നലെ ഹൈക്കോടതി ഇടക്കാല മുന്‍കൂര്‍ ജാമ്യം നല്‍കിയിരുന്നു. അറസ്റ്റ് വ്യാഴാഴ്ച വരെയാണ് തടഞ്ഞത്.
ദുബായില്‍ നിന്ന് ഇന്നു കൊച്ചിയിലെത്താന്‍ വിജയ് ബാബു എടുത്ത ഫ്ലൈറ്റ് ടിക്കറ്റിന്റെ പകര്‍പ്പ് കോടതിയില്‍ ഹാജരാക്കിയിരുന്നു. ഇതുകൂടി പരിഗണിച്ചാണ് ഹര്‍ജി വീണ്ടും പരിഗണിക്കുന്ന ജൂണ്‍ രണ്ടുവരെ അറസ്റ്റ് തടഞ്ഞത്. മാര്‍ച്ച്‌ 16, 22 തീയതികളില്‍ വിജയ് ബാബു പീഡിപ്പിച്ചെന്നാണ് യുവനടിയുടെ പരാതി. പരാതിക്കാരിയുടെ പേര് വെളിപ്പെടുത്തിയതിന് മറ്റൊരു കേസും ഇയാള്‍ക്കെതിരെയുണ്ട്. ഏപ്രില്‍ 22ന് പോലീസ് കേസെടുത്തെങ്കിലും 24ന് വിജയ് ബാബു ദുബായിലേക്ക് പോയിരുന്നു.
