കൊടുമൺ : പൊതുമേഖലാ സ്ഥാപനം ആയ പ്ലാന്റേഷൻ കോർപ്പറേഷനിൽ റബ്ബർ ടാപ്പിംഗ് രീതികൾ മാറ്റുവാൻ വേണ്ടി ഉള്ളനീക്കം ഉപേക്ഷിക്കണം, നിലവിലെ രീതികൾ തുടർന്നില്ലെങ്കിൽ താൽക്കാലിക തൊഴിലാളികൾ അടക്കമുള്ളവർക്ക് സ്ഥിരം തൊഴിൽ എന്നത് സ്വപ്നം ആയി തീരുമെന്ന് ഐ.എൻ.റ്റി.യു.സി പത്തനംതിട്ട ജില്ലാ ജനറൽ സെക്രട്ടറി അങ്ങാടിക്കൽ വിജയകുമാർ പറഞ്ഞു.
പ്ലാന്റേഷൻ തൊഴിലാളികളുടെ കൂലി വർദ്ധനവിന്റെ കാലാവധി കഴിഞ്ഞിട്ട് ഒരു വർഷം പിന്നിട്ടിട്ടും യാതൊരു നടപടിയും സർക്കാർ നാളിതു വരെ ആയിട്ടും സ്വീകരിച്ചിട്ടില്ല. നടപടികൾ എടുക്കേണ്ട പ്ലാന്റേഷൻ ലേബർ കമ്മറ്റിയെ പോലും നോക്കുകുത്തിയായി മാറ്റുകയാണ് ഈ സർക്കാർ ചെയ്തതെന്ന് അദ്ദേഹം പറഞ്ഞു. പ്ലാന്റേഷൻ വർക്കേഴ്സ് കോൺഗ്രസ് ഐ.എൻ.റ്റി.യു.സി യുടെ കമ്മറ്റി യോഗം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. സി.ജി അജയന്റെ അദ്ധ്യക്ഷതയിൽ പി.രവി , സിജോയ് വി ജോൺ , സജി വകയാർ, ഓമന കുട്ടൻ, ഗീത എൻ , സതിയമ്മ പി എൻ ,രമ കെ ആർ , കൃഷ്ണകുമാർ , രാജേഷ് തുടങ്ങിയവർ സംസാരിച്ചു.
ന്യുസ് ചാനലില്‍ ബിസിനസ് ഡെവലപ്മെന്റ് മാനേജരുടെ ഒഴിവുകള്‍
Eastindia Broadcasting Pvt. Ltd. ന്റെ ഉടമസ്ഥതയിലുള്ള പ്രമുഖ ഓണ്‍ലൈന്‍ ന്യൂസ് ചാനല്‍ ആയ പത്തനംതിട്ട മീഡിയായില്‍ ബിസിനസ് ഡെവലപ്മെന്റ് മാനേജരുടെ ഒഴിവുകളുണ്ട് . യോഗ്യരായ ഉദ്യോഗാര്‍ത്ഥികളില്‍ നിന്നും അപേക്ഷകള്‍ ക്ഷണിക്കുന്നു. ഏതെങ്കിലും മാധ്യമ സ്ഥാപനത്തിന്റെ പരസ്യ വിഭാഗത്തില്‍ മുന്‍പരിചയം അഭികാമ്യം. പത്തനംതിട്ടയിലെ ഓഫീസ് കേന്ദ്രീകരിച്ചായിരിക്കും ജോലി. 18000 രൂപാ പ്രതിമാസ ശമ്പളവും 5000 രൂപാ യാത്രാ ചെലവും ലഭിക്കും. കൂടാതെ നിശ്ചിത നിരക്കില്‍ കമ്മീഷനും ലഭിക്കും. താല്‍പ്പര്യമുള്ളവര്‍ പാസ്പോര്‍ട്ട് സൈസ് ഫോട്ടോ സഹിതം വിശദമായ ബയോഡാറ്റാ മെയില്‍ ചെയ്യുക. [email protected] കൂടുതല്‍ വിവരങ്ങള്‍ക്ക് 94473 66263, 85471 98263, 0468 2333033 എന്നീ നമ്പരുകളില്‍ ബന്ധപ്പെടാം.
