റാന്നി : വിളംബര ഘോഷയാത്രയോടെ റാന്നി ഗ്രാമ പഞ്ചായത്തിൽ ഞങ്ങളും കൃഷിയിലേക്ക് പദ്ധതിക്കു തുടക്കമായി. റാന്നി എംഎസ് സ്കൂളിലെ എസ്പിസി കെഡറ്റുകളും ജനപ്രതിനിധികളും കുടുംബശ്രീ പ്രവർത്തകരും കർഷകരും ഉദ്യോഗസ്ഥരും ഘോഷയാത്രയിൽ പങ്കാളികളായി. പദ്ധതിയുടെ റാന്നി പഞ്ചായത്തു തല ഉദ്ഘാടനം അഡ്വ.പ്രമോദ് നാരായൺ എംഎൽഎ നിർവഹിച്ചു.
പ്രസിഡന്റ് ശോഭാ ചാർളി അധ്യക്ഷത വഹിച്ചു. വൈസ് പ്രസിഡന്റ് സിന്ധു സഞ്ജയൻ, സ്ഥിരം സമിതി അധ്യക്ഷരായ സച്ചിൻ വയലാ, ഗീത സുരേഷ്, ബ്ലോക്ക് പഞ്ചായത്തംഗം നയന സാബു,ഗ്രാമ പഞ്ചായത്തംഗങ്ങളായ ശശികല രാജശേഖരൻ, സന്ധ്യാദേവി, മന്ദിരം രവീന്ദ്രൻ, കെ.ആർ പ്രകാശ്, മീനു ഷാജി, ജില്ലാ കൃഷി ഓഫിസർ എ.ഡി ഷീല, കൃഷി അസിസ്റ്റന്റ് ഡയറക്ടർ സിജി സൂസൻ ജോർജ്, കാര്ഷിക വികസന സമതിയംഗം ജോജോ കോവൂർ, ലാൽകുമാർ, എം.എസ്.പ്രീതി എന്നിവർ പ്രസംഗിച്ചു. റിസോഴ്സ് പഴ്സൻ അനീഷ്കുമാർ പ്രതിജ്ഞ ചൊല്ലിക്കൊടുത്തു.
