പത്തനംതിട്ട : ഓതറ പുതുക്കുളങ്ങര ദേവീക്ഷേത്രത്തിൽ വിനായകചതുർത്ഥി ആഘോഷങ്ങൾ നാളെ നടക്കും. ക്ഷേത്രത്തിലെ ഈ വർഷത്തെ വിനായകചതുർഥി ആഘോഷങ്ങളോടനുബന്ധിച്ച് 108 നാളികേരം ഉപയോഗിച്ചുള്ള അഷ്ടദ്രവ്യ ശ്രീമഹാഗണപതി ഹോമവും പ്രത്യക്ഷ ഗണപതി പൂജയും ആനയൂട്ടും നടക്കും. ക്ഷേത്രത്തിൽ നടക്കുന്ന വിശേഷാൽ പൂജകൾക്ക് ക്ഷേത്രം മേൽശാന്തി മാമ്പറ്റ ഇല്ലത്ത് ഉണ്ണികൃഷ്ണൻ നമ്പൂതിരി മുഖ്യ കാർമ്മികത്വം വഹിക്കും. 2022 ആഗസ്റ്റ് മാസം 31-)o തിയതി ബുധനാഴച്ച വിനായക ചതുർത്ഥി ദിനത്തിൽ രാവിലെ ക്ഷേത്ര സന്നിധിയിൽ നടക്കുന്ന ഗജപൂജയിലും ആനയൂട്ടിലും ഗജറാണി ഓതറ പുതുക്കുളങ്ങര ശ്രീപാർവതി പങ്കെടുക്കും.
