വർക്കല: പതിനാലുകാരിയോട് ലൈംഗികാതിക്രമം നടത്താൻ ശ്രമിച്ച യുവാവ് അറസ്റ്റിൽ. വെട്ടൂർ വെണ്ണിയോട് പുത്തൻവീട്ടിൽ സന്തോഷാണ് (32) അറസ്റ്റിലായത്. കഴിഞ്ഞദിവസം രാത്രി എട്ടോടെയാണ് സംഭവം. പെൺകുട്ടി തൊട്ടടുത്തുള്ള അമ്മൂമ്മയുടെ വീട്ടിലേക്ക് പോകുമ്പോഴാണ് ലൈംഗികാതിക്രമ ശ്രമം ഉണ്ടായത്. ഇടവഴിയിൽ നിൽക്കുകയായിരുന്ന സന്തോഷ് പെൺകുട്ടിയോട് ലൈംഗികാതിക്രമത്തിന് ശ്രമിക്കുകയായിരുന്നു.
പെൺകുട്ടിയെ കടന്ന് പിടിക്കുകയും ലൈംഗിക ഉദ്ദേശത്തോടെ ഉപദ്രവിക്കുകയും ചെയ്തതായാണ് പരാതിയിൽ പറയുന്നത്. നിലവിളി കേട്ട് നാട്ടുകാർ ഓടിക്കൂടിയപ്പോഴേക്കും ഇയാൾ രക്ഷപ്പെടുകയായിരുന്നു. തുടർന്ന്, വർക്കല പോലീസ് നടത്തിയ അന്വേഷണത്തിലാണ് ഇയാളെ രാത്രിയോടെ പിടികൂടിയത്. പോക്സോ വകുപ്പുകൾ ചുമത്തിയാണ് അറസ്റ്റ് അറസ്റ്റ് രേഖപ്പെടുത്തിയത്. പ്രതിയെ വർക്കല കോടതിയിൽ ഹാജരാക്കിയ ശേഷം റിമാൻഡ് ചെയ്തു.
