കഠിനംകുളം : കഠിനംകുളത്ത് യുവാവിനെ ആക്രമിച്ച് പരിക്കേൽപ്പിച്ച സംഭവത്തിലെ പ്രതി പിടിയിൽ. പുതുക്കുറിച്ചി സ്വദേശിയായ സുഹൈൽ (27)ആണ് കഠിനംകുളം പോലീസിന്റെ പിടിയിലായത്. കഴിഞ്ഞ ഒന്നിനാണ് പുതുക്കുറിച്ചിയിലെ വ്യാപാര സ്ഥാപനത്തിൽ അതിക്രമിച്ചു കയറി ബന്ധുവായ യുവാവിനെ ഇയാൾ മർദിച്ചത്.
തുടർന്ന് ഭാര്യയുടെ വീട്ടിലെത്തിയ സുഹൈൽ ഭാര്യാ പിതാവിനെയും മാതാവിനെയും മർദിച്ചിരുന്നു. ഭാര്യ പിണങ്ങിപ്പോയതുമായി ബന്ധപ്പെട്ടാണ് ഇയാൾ അക്രമം നടത്തിയതെന്ന് കഠിനംകുളം പോലീസ് പറഞ്ഞു. ആറ്റിങ്ങൽ കോടതിയിൽ ഹാജരാക്കി റിമാൻഡ് ചെയ്തു. കഠിനംകുളം എസ്.എച്ച്.ഒ എ. അൻസാരിയുടെ നേതൃത്വത്തിലായിരുന്നു അറസ്റ്റ്.
