ഡല്ഹി : കൊവിഡ്-19 പ്രതിരോധ പ്രവര്ത്തനങ്ങളുടെ ഭാഗമായി സാമൂഹിക അകലം പാലിക്കണമെന്ന സര്ക്കാര് നിര്ദേശങ്ങള് ഗൗരവത്തിലെടുക്കാത്തവരെ വിമര്ശിച്ച് ഇന്ത്യന് ക്യാപ്റ്റന് വിരാട് കോഹ്ലി ട്വിറ്ററില് പോസ്റ്റ് ചെയ്ത വീഡിയോയില് ജനങ്ങളോട് നിലവിലെ സാഹചര്യം മനസിലാക്കി കൂടുതല് ഉത്തരവാദിത്തത്തോടെ പെരുമാറണമെന്ന് കോഹ്ലി അഭ്യര്ഥിച്ചു. ഇന്ത്യന് താരമെന്ന നിലയിലല്ല ഇന്ത്യന് പൗരനെന്ന നിലയിലാണ് സംസാരിക്കുന്നതെന്നു പറഞ്ഞ കോഹ്ലി പരമാവധി സാമൂഹിക അകലം പാലിക്കണമെന്നും കൂട്ടിച്ചേര്ത്തു.
”കഴിഞ്ഞ ഏതാനും ദിവസങ്ങളായി അത്ര നല്ല കാഴ്ചകളല്ല പൊതുവെ കണ്ടുവരുന്നത്. ലോക്ക് ഡൗണ് നിയന്ത്രണങ്ങള് ലംഘിച്ച് ആളുകള് കൂട്ടത്തോടെ സഞ്ചരിക്കുന്നു. പലരും ചട്ടങ്ങളൊന്നും തന്നെ പാലിക്കുന്നില്ല. ജനങ്ങള് ഇതിനെയെല്ലാം വളരെ ലളിതമായാണ് കാണുന്നത്. എന്നാല് ഇത് അത്ര എളുപ്പമുള്ള പോരാട്ടമല്ല. ദയവായി എല്ലാവരും സാമൂഹിക അകലം പാലിക്കണം. സര്ക്കാര് നിര്ദേശങ്ങള് അനുസരിക്കണം. നിങ്ങളുടെ അശ്രദ്ധ കാരണം കുടുംബത്തിലെ ഒരാള്ക്ക് രോഗം വരുന്നത് ആലോചിച്ചു നോക്കൂ. ആരോഗ്യ വിദഗ്ധരുടെ നിര്ദേശങ്ങള് അനുസരിക്കൂ. അവര് നമുക്കു വേണ്ടി കഠിനമായി ജോലി ചെയ്തുകൊണ്ടിരിക്കുകയാണ്. സാഹചര്യത്തിന്റെ ഗൗരവം മനസിലാക്കി ഉത്തരവാദിത്തത്തോടെ പ്രവര്ത്തിക്കൂ” കോഹ്ലി വ്യക്തമാക്കി.
