തിരുവനന്തപുരം: സംസ്ഥാന ഭാഗ്യക്കുറി വകുപ്പിന്റെ ഈ വര്ഷത്തെ വിഷു ബമ്പര് നറുക്കെടുപ്പ് നാളെ. ഉച്ചയ്ക്ക് രണ്ട് മണിയോടെയാണ് നറുക്കെടുപ്പ്. 12 കോടി രൂപയുടെ ഒന്നാം സമ്മാനമാണ് വിഷു ബമ്പര് നേടുന്ന ഭാഗ്യശാലിക്ക് ലഭിക്കുന്നത്. ഒരു കോടി രൂപയാണ് രണ്ടാം സമ്മാനം. മൂന്നാം സമ്മാനമായി 10 ലക്ഷവും ലഭിക്കും. നാലാം സമ്മാനമായി 5 ലക്ഷവും ലഭിക്കും. ആകെ 49,46,12,000 രൂപയുടെ സമ്മാനങ്ങളുണ്ട്.
54 ലക്ഷം ടിക്കറ്റുകളാണ് വില്പന നടത്തിയത്. ആറാം സമ്മാനം 5,000 രൂപയും ഏഴാം സമ്മാനം 2,000 രൂപയും എട്ടാം സമ്മാനം ആയിരം രൂപയും 9-ാം സമ്മാനം 500 രൂപയും പത്താം സമ്മാനം 300 രൂപയുമാണ്. കൂടാതെ 500 മുതല് ഒരുലക്ഷം രൂപ വരെയുള്ള മറ്റ് സമ്മാനങ്ങളുമുണ്ട്. നേരത്തെ വിഷു ബമ്പര് 10 കോടിയായിരുന്നെങ്കില് ഇത്തവണ അത് 12 കോടിയാണ്. കഴിഞ്ഞ വര്ഷം സമ്മാന ജേതാവിന് ലഭിച്ചത് 6 കോടിയായിരുന്നെങ്കില് ഇത്തവണ അത് 7 കോടി 20 ലക്ഷം ആയിരിക്കും. ആറ് പേര്ക്ക് വീതമാണ് രണ്ടാം സമ്മാനമായ 1 കോടി രൂപ കിട്ടുന്നത്. ആറ് പേര്ക്ക് വീതം10 ലക്ഷവും ലഭിക്കും.