കൊച്ചി : വടക്കന് പറവൂരില് യുവതിയുടെ മൃതദേഹം വീടിനകത്ത് കത്തിക്കരിഞ്ഞ നിലയില് കണ്ടെത്തിയ സംഭവം കൊലപാതകമെന്ന് പോലീസ്. ഇതിനിടെ സംഭവത്തിന് ശേഷം കാണാതായ സഹോദരി ജിത്തുവിനെ പോലീസ് കാക്കനാട് നിന്ന് പിടികൂടി. ജിത്തു കൊലക്കുറ്റം സമ്മതിച്ചെന്ന് പോലീസ് വ്യക്തമാക്കി. ചൊവ്വാഴ്ചയാണ് സഹോദരിയെ വീട്ടില് പൊള്ളലേറ്റ് മരിച്ച നിലയില് കണ്ടെത്തിയത്.
ഒളിവില് പോയ ഇളയ സഹോദരി ജിത്തുവിന്റെ ദൃശ്യങ്ങള് പോലീസിന് ലഭിച്ചരുന്നു. ഇതിനിടെ മൂത്ത പെണ്കുട്ടിയുടെ പോസ്റ്റ് മോര്ട്ടം പൂര്ത്തിയായി. മരണ കാരണം പൊള്ളലേറ്റന്നാണ് പ്രാഥമിക നിഗമനം. വടക്കന് പറവൂര് പെരുവാരം പ്രസാദത്തില് ശിവാനന്ദന്റെ വീട്ടില് നിന്ന് ചൊവ്വാഴ്ച്ച ഉച്ചയ്ക്ക് ശേഷമാണ് തീ ഉയരുന്നത് അയല്വാസികള് കണ്ടത്. മുന്ഭാഗത്തെ മുറി പൂര്ണമായും കത്തിനശിച്ചിരുന്നു. അതിനുള്ളിലാണ് തിരിച്ചറിയാന് സാധിക്കാത്ത രീതിയില് മൃതദേഹം കണ്ടത്. മാലയുടെ ലോക്കറ്റും മാതാപിതാക്കളുടെ മൊഴിയും അടിസ്ഥാനപ്പെടുത്തിയാണ് മരിച്ചത് മൂത്ത മകള് വിസ്മയ ആണെന്ന നിഗമനത്തില് പോലീസ് എത്തിയത്.
