മുംബൈ: രാഹുല് ഗാന്ധിയെ ലോക്സഭയില് നിന്ന് അയോഗ്യനാക്കിയതില് പ്രതിഷേധിച്ച് പ്രിയങ്ക ഗാന്ധി രാജ് ഘട്ടില് നടത്തിയ പ്രസംഗത്തെ അടിസ്ഥാനമാക്കി വിമര്ശനവുമായി കശ്മീര് ഫയല്സ് സംവിധായകന് വിവേക് അഗ്നിഹോത്രി. ‘കുടുംബം, കുടുംബം, കുടുംബം നിങ്ങള് എന്താണ് ചെയ്തത്. കുടുംബത്തോട് ഇത്രയും കപട സ്നേഹമുണ്ടെങ്കില്, ഗാന്ധി കുടുംബം കരണ് ജോഹറിന്റെ സിനിമകളില് പ്രവര്ത്തിക്കാന് തുടങ്ങണമെന്ന് ഞാന് നിര്ദ്ദേശിക്കുന്നു. കരണ് ജോഹറും മുങ്ങിപ്പോകുമോ എന്ന് ആര്ക്കറിയാം കുടുംബത്തിന്റെ ആവാസവ്യവസ്ഥയെങ്കിലും പൊരുത്തപ്പെടും,അദ്ദേഹം ട്വീറ്റ് ചെയ്തു.
‘എന്റെ കുടുംബത്തിന്റെ രക്തം ഈ രാജ്യത്ത് ജനാധിപത്യത്തെ ഉഴുതുമറിച്ചിരിക്കുന്നു, ഈ രാജ്യത്തിന്റെ ജനാധിപത്യത്തിനായി ഞങ്ങള് എന്തും ചെയ്യാന് തയ്യാറാണ്, കോണ്ഗ്രസിന്റെ മഹാനായ നേതാക്കളാണ് ഈ രാജ്യത്ത് ജനാധിപത്യത്തിന് അടിത്തറയിട്ടത്,’ പ്രിയങ്ക തന്റെ പ്രസംഗത്തില് പറഞ്ഞിരുന്നു. ഇതിനെതിരെയാണ് കശ്മീര് ഫയല്സ് സംവിധായകന് രംഗത്തെത്തിയത്.