കൊച്ചി: വിഴിഞ്ഞം സംഘര്ഷത്തില് വിമര്ശനവുമായി പോലീസ് ഓഫീസേഴ്സ് അസോസിയേഷന് രംഗത്തി. വിഴിഞ്ഞത്ത് വിശ്വാസം ചൂഷണം ചെയ്ത് വൈദികര് കലാപാഹ്വാനം നടത്തിയെന്നാണ് ആരോപണം. സമാധാനത്തിന്റെ സന്ദേശവാഹകരെന്ന് അവകാശപ്പെടുന്നവര് ഗൂഢാലോചന നടത്തി നടപ്പാക്കിയ ആക്രമണമായിരുന്നു വിഴിഞ്ഞത് കണ്ടത്. പരിക്കേറ്റ പോലീസ് ഉദ്യോഗസ്ഥരുമായി പോയ ആംബുലന്സ് പോലും അക്രമികള് തടഞ്ഞുവെന്നും കുറ്റപ്പെടുത്തി.
പോലീസ് ഉദ്യോഗസ്ഥര്ക്ക് നേരെ ഏകപക്ഷീയമായ ആക്രമണമാണ് നടന്നതെന്ന് പോലീസ് ഓഫീസേഴ്സ് അസോസിയേഷന് വിമര്ശിച്ചു. വിശ്വാസം ചൂഷണം ചെയ്ത് വൈദികര് കലാപാഹ്വാനം നടത്തിയെന്നും ആക്രണത്തിന് വൈദികര് നേതൃത്വം നല്കിയെന്നും അസോസിയേഷന് വിമര്ശനം ഉന്നയിച്ചു. പ്രതികളെ അറസ്റ്റ് ചെയ്യാത്തതിനെതിരേയും അസോസിയേഷന് വിമര്ശനം വിമര്ശനം ഉന്നയിച്ചു. എറണാകുളത്ത് നടക്കുന്ന പോലീസ് ഓഫീസേഴ്സ് അസോസിയേഷന് സംസ്ഥാന സമ്മേളനത്തിലെ പ്രമേയത്തിലാണ് വിമര്ശനം.
