റാന്നി : പത്തനംതിട്ട ജില്ല വോളിബോൾ അസ്സോസിയേഷനും ഏഴോലി ആർടസ് & സ്പോർടസ് ക്ലബ്ബും ചേർന്ന് സംഘടിപ്പിച്ച സമ്മർ വോളിബോൾ കോച്ചിംഗ് ക്വാമ്പ് സമാപിച്ചു.16 ദിവസങ്ങളിലായി 30 കുട്ടികളെ പങ്കെടുപ്പിച്ച് ഏഴോലി എ.എസ്സ്.സി ക്ലബ്ബ് സ്റ്റേഡിയത്തിലായിരുന്നു ക്യാമ്പ് സംഘടിപ്പിച്ചത്. സമാപന സമ്മേളനം ജില്ലാ വോളിബോൾ അസ്സോസിയേഷൻ സെക്രട്ടറി അനിൽ കുര്യൻ ഉത്ഘാടനം ചെയ്തു. ക്ലബ്ബ് വൈസ് പ്രസിഡന്റ് കൊച്ചുമോൻ മുക്രണത്ത് അദ്ധ്യക്ഷത വഹിച്ചു.
രാജു തേക്കടയിൽ, സജി ജോർജ്, ബാബു കവുംങ്കോട്ടേത്ത്, കെ.പി ടൈറ്റസ്, അജു ചിറയിൽ, റെക്സി, ഷിനോ സാക്ക്, പ്രിൻസ് വലിയകാലാ, അനീഷ് കവുംങ്കോട്ടേത്ത് ബിജു നഗരൂർ കിഴക്കേൽ, എന്നിവർ പ്രസംഗിച്ചു. സംസ്ഥാന യൂത്ത് വോളിബോൾ ചാമ്പ്യൻഷിപ്പിൽ വിജയിച്ച പത്തനംതിട്ട ജില്ലാ ടീം അംഗം റുബ്സ റെജിയെ യോഗം അനുമോദിച്ചു.
