പത്തനംതിട്ട : അബാൻ മേൽപ്പാലത്തിന്റെ നിർമ്മാണം വേഗത്തിലാക്കണമെന്നാവശ്യപ്പെട്ട് കേരള പ്രദേശ് വ്യാപാരി വ്യവസായി കോൺഗ്രസിന്റെ നേതൃത്വത്തിൽ 23-11-2022 ബുധൻ അബാൻ ജംഗ്ഷനിൽ വ്യാപാരികൾ റോഡ് ഉപരോധവും പ്രതിഷേധയോഗവും നടത്തും. പാലം പണി ഇഴഞ്ഞു നീങ്ങുന്നതിനാൽ സ്വകാര്യബസ്സ്റ്റാൻഡിലെയും സമീപ സ്ഥലങ്ങളിലേയും വ്യാപാരികൾക്ക് കച്ചവടം ഇല്ലാതായിരിക്കുകയാണ്.
ഇവിടേക്ക് വാഹനങ്ങൾ കയറാത്തതു കൊണ്ട് വ്യാപാരസ്ഥാപനങ്ങൾ വെറുതെ തുറന്നു വെച്ചിരിക്കുകയാണെന്നും വ്യാപാരി വ്യവസായി കോൺഗ്രസ് പരാതിപ്പെട്ടു. രാവിലെ 10.30 നാണ് 5 മിനിറ്റ് വാഹന ഉപരോധവും തുടർന്ന് നടക്കുന്ന പ്രതിഷേധ യോഗവും ഡി.സി.സി വൈസ് പ്രസിഡന്റ് അഡ്വ.എ.സുരേഷ് കുമാർ ഉദ്ഘാടനം ചെയ്യും .ജില്ലാ പ്രസിഡന്റ് ഷാനവാസ് പെരിങ്ങമല അദ്ധ്യക്ഷതവഹിക്കുമെന്ന് നിയോജക മണ്ഡലം പ്രസിഡന്റ് ഷാജി സുറൂർ പറഞ്ഞു .