കോന്നി : തണ്ണിത്തോട് എലിമുള്ളുംപ്ലാക്കൽ പേരുവാലി കുളഞ്ഞിപ്പാടി റോഡിൽ ചപ്പാത്ത് അപകട ഭീഷണി ഉയർത്തുന്നു. കോന്നി തണ്ണിത്തോട് റോഡിൽ നിന്നും ബന്ധിപ്പിക്കുന്ന റോഡാണ് ഇത്. റോഡിന് സമീപത്ത് കൂടി ഉള്ള തോട്ടിലൂടെ ശക്തമായ രീതിയിൽ വെള്ളം ഒഴുകിയതിനെ തുടർന്ന് ചപ്പാത്ത് അടിഭാഗം തകരുക യായിരുന്നു.
ഇതിന് മുകളിൽ കൂടിയാണ് വാഹനങ്ങൾ ഇപ്പോൾ കടന്ന് പോകുന്നത്. കാട്ടുകല്ലുകൾ ഉപയോഗിച്ചാണ് ഇതിന്റെ അടിഭാഗം നിർമ്മിച്ചിരിക്കുന്നത് എന്നതിനാൽ ഇവിടം ഇടിഞ്ഞ് പോകുന്നതിന് സാധ്യത ഏറെയാണ്. ഭാരം കയറ്റിയ വാഹനങ്ങൾ അടക്കം ഇതിന് മുകളിൽ കൂടി ആണ് മുകളിൽ കൂടി ആണ് കടന്ന് പോകുന്നത്.
ഇവിടെ കലുങ്ക് നിർമ്മിച്ചെങ്കിൽ മാത്രമേ വിഷയത്തിന് പരിഹാരം ആകൂ. ഇതേ റോഡിൽ കുളഞ്ഞിപ്പടി ഭാഗത്തും കലുങ്ക് ആവശ്യമാണ്. നിരവധി തവണ പ്രശ്നം ബന്ധപ്പെട്ടവരെ അറിയിച്ചിട്ടും നടപടി ഉണ്ടായില്ല. ഇതിന് സമാന്തരമായി കടന്ന് പോകുന്ന മഹാത്മാ ഗാന്ധി റോഡിൽ കൂടി മഴകാലത്ത് വരുന്ന വെള്ളവും ഇതേ റോഡിൽ കൂടി ആണ് ഒഴുകുന്നത്. കഴിഞ്ഞ പ്രളയ കാലത്ത് റോഡിൽ പലയിടത്തും കല്ലുകളും മണ്ണും നിറഞ്ഞിരുന്നു.
