റാന്നി : വെച്ചൂച്ചിറ എ.ടി.എം ഓഡിറ്റോറിയത്തിന് മുൻപിലെ വെള്ളക്കെട്ട് യാത്രക്കാർക്ക് ബുദ്ധിമുട്ടായി മാറുന്നു. ഉന്നത നിലവാരത്തിൽ റോഡുപണി പൂർത്തിയായപ്പോൾ ഒഴുകിയെത്തുന്ന വെള്ളം ഓടയിലേക്ക് പോകാൻ സംവിധാനമില്ലാത്തതിനാലാണ് വെള്ളക്കെട്ടുണ്ടാകുന്നതെന്ന് നാട്ടുകാർ പറഞ്ഞു. ബസ് സ്റ്റാൻഡ് മുതൽ ഒഴുകിവരുന്ന വെള്ളം മുമ്പുണ്ടായിരുന്ന ചെറിയ ചപ്പാത്ത് വഴി എതിർവശത്തുള്ള ഓടയിൽ എത്തിയിരുന്നതിനാൽ മുമ്പ് ഇവിടെ കാര്യമായ വെള്ളക്കെട്ട് ഉണ്ടായിരുന്നില്ല.
പുതിയ റോഡ് വന്നപ്പോള് ചപ്പാത്ത് ഇല്ലാതായി. മാത്രമല്ല ഈ ഭാഗത്ത് ഓടയും നിര്മ്മിച്ചിട്ടില്ല. വാറ്റുകുന്ന്, നൂറോക്കാട് തുടങ്ങിയ മേഖലകളിലേക്കുള്ള കാല്നട യാത്രക്കാര് വെള്ളക്കെട്ടില് ഇറങ്ങി കയറി വേണം യാത്ര ചെയ്യാന്. ഇത് ജലജന്യ രോഗങ്ങള് അടക്കം ഉണ്ടാവാന് സാധ്യതയുണ്ടാക്കുകയും ചെയ്യും. അധികൃതരെ വിവരം അറിയിച്ചിട്ടും അനങ്ങാപ്പാറ നയം സ്വീകരിക്കുന്നതായും ആക്ഷേപമുണ്ട്. വെള്ളക്കെട്ട് ഒഴിവാക്കാൻ നടപടി വേണമെന്നാണ് നാട്ടുകാരുടെ ആവശ്യം
