കൊച്ചി: കൊച്ചി വാട്ടര് മെട്രോ യാത്രാനിരക്കുകള് കെഎംആര്എല് പ്രഖ്യാപിച്ചു. കുറഞ്ഞ യാത്ര നിരക്ക് 20 രൂപയാണ്. പരമാവധി ടിക്കറ്റ് നിരക്ക് 40 രൂപ. വാട്ടര് മെട്രോ സര്വീസ് രാവിലെ 7 മുതല് വൈകീട്ട് എട്ട് വരെയാണ്. തിരക്കുള്ള സമയങ്ങളില് 15 മിനിറ്റ് ഇടവേളകളില് സര്വീസുണ്ടാകും. വാട്ടര് മെട്രോ ചൊവ്വാഴ്ച പ്രധാനമന്ത്രി ഉദ്ഘാടനം ചെയ്യും. ബുധനാഴ്ച രാവിലെ 7 മണിക്കാണ് ആദ്യ സര്വീസ്. വൈദ്യുതിയില് പ്രവര്ത്തിക്കുന്ന ശീതീകരിച്ച ബോട്ടില് 100 പേര്ക്ക് ഒരേ സമയം യാത്ര ചെയ്യാം.
76 കിലോമീറ്റര് നീളത്തില് 38 ടെര്മിനലുകളെ ബന്ധിപ്പിച്ച് 78 ബോട്ടുകളുമായാണ് കൊച്ചി വാട്ടര്മെട്രോ സര്വീസ് നടത്തുക. ഹൈക്കോടതി ജെട്ടിയില് നിന്ന് ബോള്ഗാട്ടി, വൈപ്പിന് ദ്വീപുകളെ ബന്ധിപ്പിച്ചാകും ആദ്യ സര്വീസ്.
