തിരുവനന്തപുരം: സംസ്ഥാനത്ത് വരുംദിവസങ്ങളിലും വ്യാപക മഴ തുടരും. മണ്സൂണ് പാത്തി തെക്കോട്ടുമാറി സജീവമായതും ഗുജറാത്ത് തീരം മുതല് കര്ണാടക തീരം വരെ ന്യൂനമര്ദ പാത്തി നിലനില്ക്കുന്നതും തെക്കന് ഒഡിഷക്കും വടക്കന് ആന്ധ്രാപ്രദേശ് തീരത്തിന് സമീപം മധ്യ പടിഞ്ഞാറന് ബംഗാള് ഉള്ക്കടലിന് മുകളിലായി ചക്രവാതചുഴിയുള്ളതുമാണ് കാരണം.ആലപ്പുഴ, കോട്ടയം, ഇടുക്കി, എറണാകുളം, തൃശൂര്, പാലക്കാട്, മലപ്പുറം, കോഴിക്കോട്, വയനാട്, കണ്ണൂര്, കാസര്കോട് ജില്ലകളില് ശനിയാഴ്ച മഞ്ഞ അലര്ട്ട് പ്രഖ്യാപിച്ചു. ഞായറാഴ്ച ആലപ്പുഴ, കോട്ടയം, ഇടുക്കി, എറണാകുളം, തൃശൂര്, മലപ്പുറം, കോഴിക്കോട്, വയനാട്, കണ്ണൂര്, കാസര്കോട് ജില്ലകളിലും മഞ്ഞ അലര്ട്ടായിരിക്കും.
ശക്തമായ കാറ്റും മോശം കാലാവസ്ഥയുമുള്ളതിനാല് കേരള-ലക്ഷദ്വീപ് തീരങ്ങളില് ജൂലൈ 10 വരെയും കര്ണാടക തീരങ്ങളില് ജൂലൈ 12 വരെയും മത്സ്യബന്ധനത്തിന് പോകരുത്. ശനിയാഴ്ച രാത്രി 11.30 വരെ വിഴിഞ്ഞം മുതല് കാസര്കോട് വരെ കേരളതീരത്ത് 3.4 മീറ്റര് വരെ ഉയരത്തില് തിരമാലക്കും കടലാക്രമണത്തിനും സാധ്യതയുണ്ടെന്ന് ദേശീയ സമുദ്ര സ്ഥിതി പഠന ഗവേഷണകേന്ദ്രം മുന്നറിയിപ്പ് നല്കി.
