തിരുവനന്തപുരം: കേരളത്തില്‍ ഡിസംബര്‍ 17, 18 തിയതികളില്‍ ശക്തമായ മഴക്ക് സാധ്യത. ഇതേത്തുടര്‍ന്ന് വിവിധ ജില്ലകളില്‍ കേന്ദ്ര കാലാവസ്ഥാവകുപ്പ് യെല്ലോ അലേര്‍ട്ട് പ്രഖ്യാപിച്ചു. 17ന് മലപ്പുറം, കോഴിക്കോട്, വയനാട് ജില്ലകളിലും 18ന് കോട്ടയം, എറണാകുളം, ഇടുക്കി, മലപ്പുറം, കോഴിക്കോട്, വയനാട് ജില്ലകളിലുമാണ് യെല്ലോ അലേര്‍ട്ട് പ്രഖ്യാപിച്ചത്. ഒറ്റപ്പെട്ടയിടങ്ങളില്‍ 24 മണിക്കൂറില്‍ 64.5 മി.മീറ്റര്‍ മുതല്‍ 115.5 മി.മീറ്റര്‍ വരെ ലഭിക്കുന്ന ശക്തമായ മഴക്കാണ് സാധ്യത.
