മല്ലപ്പള്ളി: സമൂഹത്തെ കരുതുന്ന പ്രതിജ്ഞാബന്ധരായ നേതൃത്വമാണ് ഇന്നിന്റെ ആവശ്യമെന്ന് ഡോ. തീയഡോഷ്യസ് മാർത്തോമ്മാ മെത്രാപ്പോലീത്ത പറഞ്ഞു. മാർത്തോമ്മാ സഭ ആരംഭിക്കുന്ന ആശാനിലയം പ്രതിഷ്ഠാ ശുശ്രൂഷയ്ക്കു ശേഷം നടന്ന പൊതുസമ്മേളനം ഉദ്ഘാടനം ചെയ്യുകയായിരുന്നു അദ്ദേഹം. കരുതലിന്റെ ശുശ്രൂഷ സഭയുടെ ഉത്തരവാദിത്തമാണെന്നും അദ്ദേഹം ഓർമ്മിപ്പിച്ചു. കോട്ടയം – കൊച്ചി ഭദ്രാസന എപ്പിസ്കോപ്പാ തോമസ് മാർ തിമോഥിയോസ് അധ്യഷത വഹിച്ചു.
ഡോ. എബ്രഹാം മാർ പൗലോസ്, ഡോ. ഗ്രിഗോറിയോസ് മാർ സ്തേഫാനോസ്, മാത്യൂസ് മാർ സെറാഫീം, ആന്റോ ആന്റണി എം.പി., മാത്യു ടി. തോമസ് എം.എൽ.എ, മുൻ രാജ്യസഭാ ഉപാദ്ധ്യക്ഷൻ പ്രൊഫ. പി. ജെ. കുര്യൻ, കോട്ടാങ്ങല് ഗ്രാമ പഞ്ചായത്ത് പ്രസിഡന്റ് ബിനു ജോസഫ്, വികാരി ജനറല്മാരായ റവ. ജോർജ്ജ് സഖറിയാ പി, റവ. മാത്യു ജോൺ, റവ. തോമസ് കെ. ജേക്കബ്, റവ. കെ. വി. ചെറിയാൻ, ഭദ്രാസന സെക്രട്ടറി റവ. അലക്സ് എബ്രഹാം, ഭദ്രാസന ട്രഷറാർ നോബിൾ തോമസ്, സൂപ്രണ്ട് റവ. ജോജി തോമസ്, സെക്രട്ടറി ഡോ. ജേക്കബ് ജോർജ്ജ്, ട്രഷറാർ ജോസി കുര്യൻ, റവ. റോയി തോമസ്, സജി കുര്യൻ, ജേക്കബ് കുരുവിള, മാത്യൂസ് പി. മാത്യു, ജയിംസ് ജേക്കബ്, റവ. ആൽവിൻ അലക്സാണ്ടർ, നൈനാൻ പുന്നവേലി എന്നിവർ പ്രസംഗിച്ചു.
