കണ്ണൂർ : വടക്കൻ കേരളത്തിൽ കണ്ണൂരിലെ ഫലത്തിലേക്കാണ് എല്ലാവരും ഉറ്റുനോക്കുന്നത്. കെ.കെ ശൈലജയും കെപിസിസി അധ്യക്ഷനും തമ്മിലുള്ള കടുത്ത പോരാട്ടം നടക്കുന്ന പേരാവൂർ മണ്ഡലം ആര് തിരിച്ചുപിടിക്കുമെന്ന ആവേശത്തിലാണ് വോട്ടർമാർ. കാസർഗോഡ് ജില്ലയിലെ മഞ്ചേശ്വരത്ത് ഇത്തവണ അക്കൗണ്ട് തുറക്കാൻ കഴിയുമെന്ന ആത്മവിശ്വാസം ബിജെപി വെച്ചുപുലർത്തുന്നു. കോഴിക്കോട് ജില്ലയിലെ 13 മണ്ഡലങ്ങളിൽ എട്ടെണ്ണമെങ്കിലും തങ്ങൾ പിടിച്ചെടുക്കുമെന്ന് യുഡിഎഫ് അവകാശപ്പെടുമ്പോൾ 2021-ലെ 11 സീറ്റുകളുടെ ആധിപത്യം നിലനിർത്താനാണ് എൽഡിഎഫ് ശ്രമിക്കുന്നത്. മലപ്പുറത്ത് തദ്ദേശ തിരഞ്ഞെടുപ്പിലെ മുന്നേറ്റം തുടരാനാകുമെന്ന് ലീഗ് കണക്കുകൂട്ടുന്നു.
പാലക്കാട്ടെ വാശിയേറിയ പോരാട്ടത്തിൽ ബിജെപിയുടെ എ ക്ലാസ് മണ്ഡലത്തിൽ അട്ടിമറി നടക്കുമോ എന്നും രമേഷ് പിഷാരടി വിജയിക്കുമോ എന്നുമാണോ ഏവരും ഉറ്റുനോക്കുന്നത്. ഇത്തവണ കേരളത്തിൽ വലിയ മാറ്റമുണ്ടാകുമെന്നും 20% വരെ വോട്ട് വിഹിതം വർദ്ധിപ്പിക്കാൻ കഴിയുമെന്നുമാണ് എൻഡിഎ ക്യാമ്പിന്റെ പ്രതീക്ഷ. നേമം , കഴക്കൂട്ടം, മഞ്ചേശ്വരം, പാലക്കാട്, ചാത്തന്നൂർ എന്നീ അഞ്ച് മണ്ഡലങ്ങളിലാണ് വിജയ പ്രതീക്ഷ ഉള്ളത്.
