ആഫ്രിക്ക : തെക്കുകിഴക്കന്‍ ഏഷ്യയിലും ആഫ്രിക്കയിലും കൊവിഷീല്‍ഡിന്റെ വ്യാജന്‍ ഇറങ്ങിയിട്ടുണ്ടെന്ന നിര്‍ദേശവുമായി ലോകാരോഗ്യ സംഘടന. ആശുപത്രികള്‍, ക്ലിനിക്കുകള്‍, ആരോഗ്യ കേന്ദ്രങ്ങള്‍, മൊത്തക്കച്ചവടക്കാര്‍, വിതരണക്കാര്‍, ഫാര്‍മസികള്‍, മെഡിക്കല്‍ ഉല്‍പ്പന്നങ്ങളുടെ മറ്റ് വിതരണക്കാര്‍ എന്നിവരില്‍ ജാഗ്രത വര്‍ധിപ്പിക്കണമെന്ന് ലോകാരോഗ്യ സംഘടന ഇന്ത്യയോട് ആവശ്യപ്പെട്ടു.
കൊവിഡ് പ്രതിരോധ കുത്തിവെയ്പ്പിനായി എത്തുന്ന കൊവിഷീല്‍ഡ് വാക്സിനില്‍ വ്യാജ കുപ്പികള്‍ ഉണ്ടെന്ന് സിറം ഇന്‍സ്റ്റിറ്റ്യൂട്ട് സ്ഥിരീകരിച്ചു. ഓക്‌സ്‌ഫോര്‍ഡ്-ആസ്ട്രാസെനെക്ക വികസിപ്പിച്ചതും സീറം ഇന്‍സ്റ്റിറ്റ്യൂട്ട് ഓഫ് ഇന്ത്യ നിര്‍മ്മിച്ചതുമായ കോവിഡ് വാക്സിന്റെ വ്യാജനാണ് ലോകാരോഗ്യ സംഘടന തിരിച്ചറിഞ്ഞിരിക്കുന്നത്. ഇന്ത്യയിലും ഉഗാണ്ടയിലും വ്യാജ കോവിഷീല്‍ഡ് വാക്സിന്റെ വിതരണം ലോകാരോഗ്യ സംഘടന മനസിലാക്കിട്ടുണ്ട്. ഈ വ്യാജ ഉല്‍പ്പന്നങ്ങള്‍ ബാധിച്ചേക്കാവുന്ന രാജ്യങ്ങളുടെയും പ്രദേശങ്ങളുടെയും വിതരണ ശൃംഖലകള്‍ക്കുള്ളില്‍ ജാഗ്രത വര്‍ധിപ്പിക്കാനും ലോകാരോഗ്യ സംഘടന ആവശ്യപ്പെട്ടിട്ടുണ്ട്.
