വടക്കഞ്ചേരി: കണ്ണമ്പ്ര പഞ്ചായത്തിലെ കാരയങ്കാട് പാറക്കുണ്ടില് സ്വകാര്യ വ്യക്തിയുടെ ആള്മറയില്ലാത്ത കിണറ്റില് ഒമ്പതോളം പന്നികളെ ചത്ത നിലയില് കണ്ടെത്തി. ദുര്ഗ്ഗന്ധം വമിച്ചതിനെ തുടര്ന്ന് പ്രദേശവാസികള് പഞ്ചായത്തംഗം കെ. അബ്ദുള് ഷുക്കൂറിനെ വിവരമറിയിച്ചതിന് അനുസരിച്ച് നടത്തിയ തെരച്ചിലിലാണ് പന്നികളെ ചത്ത നിലയില് കണ്ടത്. തുടര്ന്ന് വനം വകുപ്പ് ആലത്തൂര് റേഞ്ച് ഓഫീസിലെ നിര്ദ്ദേശമനുസരിച്ച് പഞ്ചായത്ത് ഭരണസമിതിയുടെ നേതൃത്വത്തില് ജെ.സി.ബി ഉപയോഗിച്ച് പന്നികളെ പുറത്തെടുത്ത് സംസ്കരിക്കുകയും കിണര് മൂടുകയും ചെയ്തു.
