കോന്നി : കോന്നി മെഡിക്കൽ കോളേജിൻ്റെ മുറ്റത്ത് കാട്ടുപോത്തിറങ്ങി.കഴിഞ്ഞ ദിവസം രാത്രിയാണ് പോത്ത് ഇറങ്ങിയത്. പോത്ത് ഏറെ നേരം ഇവിടെ
നിലയുറപ്പിച്ചതായി പറയുന്നു. രാത്രിയിൽ ഇവിടെ കാട്ടുപോത്ത് ഇറങ്ങുന്നത് പതിവാകുന്നുണ്ട്.
സമീപത്തെ വനമേഖലയിൽ നിന്നും കൂട്ടത്തോടെയാണ് പോത്തുകൾ എത്തുന്നത്. മെഡിക്കൽ കോളേജിൻ്റെ പരിസരത്ത് വെളിച്ചകുറവുള്ളതും വന്യമൃഗങ്ങൾ ഇവിടേക്ക് എത്തുന്നതിന് കാരണമായി തീരുന്നുണ്ട്. പ്രദേശത്ത് എത്രയും വേഗം വെളിച്ചം എത്തിക്കുന്നതിനുള്ള നടപടികൾ സ്വീകരിക്കണമെന്നും ആവശ്യം ശക്തമാകുന്നു.
