മലപ്പുറം : എ.ആര് നഗര് കൊടക്കല്ലില് സ്കൂട്ടറില് മിനി ടിപ്പര് ലോറിയിടിച്ച് യുവതി മരിച്ചു. പുകയൂര് ഒളകര സ്വദേശി പരേതനായ കൊളത്തുമാട്ടില് മുഹമ്മദ് ഹാജിയുടെ മകള് നൗഫിയയാണ് (33) മരിച്ചത്. സ്കൂട്ടറിലുണ്ടായിരുന്ന ഭര്ത്താവ് ഉള്ളാട്ടില് സഹീറലിക്കും (41) പരിക്കേറ്റിട്ടുണ്ട്. വ്യാഴാഴ്ച ഉച്ചക്ക് ഒരു മണിയോടെയാണ് സംഭവം. നൗഫിയയുടെ കരുമ്പിലെ വീട്ടില് നിന്നും ഭര്ത്താവിന്റെ വീടായ പുകയൂരിലേക്ക് പോകുന്നതിനിടെ കുന്നുംപുറം കൊടക്കല്ലില്വെച്ചാണ് അപകടമുണ്ടായത്. ഇവര് സഞ്ചരിച്ച സ്കൂട്ടറില് ലോറിയിടിക്കുകയായിരുന്നു.
നൗഫിയ സംഭവസ്ഥലത്ത് വെച്ചു തന്നെ മരിച്ചു. നൗഫിയയുടെ മൃതദേഹം ഇന്ക്വസ്റ്റ് പൂര്ത്തിയാക്കി തിരൂരങ്ങാടി താലൂക്ക് ആശുപത്രി മോര്ച്ചറിയിലേക്ക് മാറ്റി. വെള്ളിയാഴ്ച രാവിലെ പോസ്റ്റ്മോര്ട്ടത്തിനു ശേഷം ഉച്ചക്ക് രണ്ടിന് പുകയൂര് പൊറ്റാണിക്കല് ജു മാമസ്ജിദ് ഖബര്സ്ഥാനി ല് മറവ് ചെയ്യുമെന്ന് ബന്ധുക്കള് അറിയിച്ചു. നൗഫിയയുടെ മാതാവ്: ഖദീജ ചാലില്,
മക്കള്: ഫാത്തിമ ഹന്ന, ഫാത്തിമ ഹാനിയ, മുഹമ്മദ് ഹാനിഫ്.
