ജംഷഡ്പൂര്: 65കാരിയെ സഹോദരീപുത്രന് വെട്ടിക്കൊന്നു. തന്റെ നിരന്തരമായ അസുഖങ്ങള്ക്ക് കാരണം മന്ത്രവാദമെന്ന് തെറ്റിദ്ധരിച്ചാണ് 65കാരിയെ കൊലപ്പെടുത്തിയത്. ഝാര്ഖണ്ഡിലെ ജംഷഡ്പൂരിലെ പടിഞ്ഞാറന് സിംഗ്ഭും ജില്ലയിലാണ് സംഭവം. ജാനോ ഹെസ്സയെ സഹോദരീപുത്രന് മധുസൂധന് ബോയ്പായാണ് കൊലപ്പെടുത്തിയത്. ശനിയാഴ്ച വൈകിട്ടാണ് സംഭവം.
സംഭവത്തെ തുടര്ന്ന് പ്രതിയെ പോലീസ് അറസ്റ്റ് ചെയ്തു. കഴിഞ്ഞ ഏതാനും മാസങ്ങളായി ബോയ്പായ് അസുഖങ്ങളാല് പൊറുതിമുട്ടിയിരുന്നു. ഇതിനു കാരണം ജാനോ ഹെസ്സ ആണെന്നും ഇവര് മന്ത്രവാദിയാണെന്നും ബോയ്പായ് തെറ്റിദ്ധരിച്ചു. സംഭവം നടക്കുന്ന അന്ന് വൈകിട്ട് ബോയ്പായ് മദ്യപിച്ച് ഹെസ്സയുടെ വീട്ടിലെത്തി അവരെ വടികൊണ്ട് അടിക്കാന് തുടങ്ങി. ബോധരഹിതയായി നിലത്തുവീണ ഹെസ്സയെ പിന്നീട് ഇയാള് മഴുകൊണ്ട് വെട്ടി കൊലപ്പെടുത്തുകയായിരുന്നു.
