പത്തനംതിട്ട : അബാന് മേല്പ്പാല നിര്മ്മാണവുമായി ബന്ധപ്പെട്ട് പുതിയ ഓടയുടെ പണികള് ആരംഭിച്ചു. മേല്പ്പാലത്തിനും മുന്സിപ്പല് ഷോപ്പിംഗ് കോംപ്ലക്സിനും ഇടയിലായാണ് ഓടയുടെ നിര്മ്മാണം ആരംഭിച്ചത്. ഓടയുടെ കോണ്ക്രീറ്റ് ജോലികള്ക്കായി ചാല് നിര്മ്മിച്ച് വാര്ക്കുവാനുള്ള ജോലികളാണ് ഇപ്പോള് നടക്കുന്നത്. മഴക്കാലമായി കഴിഞ്ഞാല് പത്തനംതിട്ട സ്വകാര്യ ബസ് സ്റ്റാന്റ് ഭാഗത്ത് നിന്നും അബാന് ടവര് ഭാഗത്ത് നിന്നുമെല്ലാം വെള്ളം ഒഴുകി ഇവിടെ വലിയ തോതില് വെള്ളക്കെട്ട് രൂപപ്പെടുന്നത് ബുദ്ധിമുട്ട് സൃഷ്ടിച്ചിരുന്നു.
പത്തനംതിട്ട സ്വകാര്യ ബസ് സ്റ്റാന്റ്, കെ.എസ്.ആര്.റ്റി.സി എന്നിവടങ്ങളിലേക്ക് ആളുകള് നടന്നുപോകുന്ന പ്രധാന വഴിയാണ് ഇത്. മാത്രമല്ല ഒട്ടേറെ കച്ചവട സ്ഥാപനങ്ങളും ഇവിടെയുണ്ട്. മഴക്കാലത്ത് ചെളി നിറയുന്ന ഈ റോഡില്ക്കൂടിയാണ് ഇവിടേക്കും ആളുകള് നടന്നു പോകുന്നത്. വെള്ളക്കെട്ടിലൂടെ നടന്ന് വ്യാപാര സ്ഥാപനങ്ങളിലേക്ക് ആളുകള് കയറുവാന് മടിക്കുന്നതിനാല് കച്ചവടവും കുറയും. ഓടയുടെ നിര്മ്മാണ പ്രവര്ത്തികള് പൂര്ത്തിയാകുമ്പോള് ഇതിനെല്ലാം ഒരു പരിഹാരം കാണുവാന് കഴിയുമെന്നാണ് പ്രതീക്ഷ.
