ന്യൂഡൽഹി : പ്രധാനമന്ത്രി സന്ദർശിച്ചതുകൊണ്ട് മണിപ്പൂരിലെ സാധാരണ ജനങ്ങളുടെ ആവശ്യങ്ങൾ പരിഹരിക്കപ്പെടുമെന്ന് കരുതുന്നില്ലെന്ന് വേൾഡ് കുക്കി-സോ ഇന്റലക്ച്വൽ കൗൺസിൽ നേതാവ് ടി. എസ്. ഹോക്കിപ്പ്. ജനങ്ങൾ വളരെ അസ്വസ്ഥരാണ്. രാഷ്ട്രീയ പരിഹാരം വേണമെന്നാണ് പൊതു ജനങ്ങളുടെ ആവശ്യമെന്നും ടി. എസ്. ഹോക്കിപ്പ് പറഞ്ഞു. ആഭ്യന്തര മന്ത്രാലയവും കുക്കി-സോയും ചില കരാറുകളിൽ ഏർപ്പെട്ടതായി അറിഞ്ഞു. സൈന്യത്തിന്റെ പെരുമാറ്റത്തിൽ സാധാരണ കുക്കി ജനങ്ങൾ സന്തുഷ്ടരല്ല. ഇപ്പോൾ ശാരീരികമായ ഏറ്റുമുട്ടൽ നടക്കുന്നില്ല എന്നാൽ വൈകാരികമായി ഇരു വിഭാഗങ്ങളും സന്തുഷ്ടരല്ല. മുൻപ് സംസ്ഥാന സർക്കാർ ചെയ്തത് തന്നെയാണ് രാഷ്ട്രപതി ഭരണത്തിലും നടക്കുന്നത്.
പ്രധാനമന്ത്രി സന്ദർശിച്ചതുകൊണ്ട് സാധാരണ ജനങ്ങളുടെ ആഗ്രഹങ്ങൾ സഫലമാകുമെന്ന് കരുതുന്നില്ലെന്ന് അദ്ദേഹം പറഞ്ഞു. രാഷ്ട്രീയ പരിഹാരം വേണമെന്നാണ് പൊതു ജനങ്ങളുടെ ആവശ്യം. ജനങ്ങൾക്ക് വികസനം വേണം, എന്നാൽ രാഷ്ട്രീയ പരിഹാരമാണ് പ്രധാനം. ദേശീയ പാത ആരും തടസ്സപ്പെടുത്തുന്നില്ലെന്നും അദ്ദേഹം പറഞ്ഞു.
