വാഷിംഗ്ടണ്‍ : ലോകത്തെ കോവിഡ് ബാധിതരുടെ എണ്ണത്തിലും രോഗം ബാധിച്ച്‌ മരണമടയുന്നവരുടെ എണ്ണത്തിലും ഒരു കുറവുമില്ല. കഴിഞ്ഞ 24 മണിക്കൂറിനിടെ 9,000ലേറെപ്പേരാണ് കോവിഡ് ബാധിച്ച്‌ മരണമടഞ്ഞത്. 9,198 പേര്‍ക്കാണ് ജീവന്‍ നഷ്ടപ്പെട്ടതെന്ന് ജോണ്‍സ് ഹോപ്കിന്‍സ് സര്‍വകലാശാലയും വേള്‍ഡോ മീറ്ററും പുറത്തുവിടുന്ന കണക്കുകള്‍ വ്യക്തമാക്കുന്നു.
ഇതേസമയത്ത് 569,936 പേര്‍ക്ക് കോവിഡ് ബാധിക്കുകയും ചെയ്തു. ഇതോടെ ലോകത്തെ ആകെ കോവിഡ് ബാധിതരുടെ എണ്ണം 62,550,616 ഉം രോഗം ബാധിച്ച്‌ മരിച്ചവരുടെ ആകെ എണ്ണം 1,457,505 ഉം ആയി ഉയര്‍ന്നു. 43,178,112 പേരാണ് ഇതുവരെ രോഗമുക്തി നേടിയത്.
17,914,999 പേരാണ് നിലവില്‍ രോഗബാധിതരായി ചികിത്സയിലുള്ളത്. ഇതില്‍ 105,233 പേരുടെ നില അതീവ ഗുരുതരമാണെന്നാണ് വിവരം. അമേരിക്ക, ഇന്ത്യ, ബ്രസീല്‍, റഷ്യ, ഫ്രാന്‍സ്, സ്പെയിന്‍, ബ്രിട്ടന്‍, ഇറ്റലി, അര്‍ജന്‍റീന, കൊളംബിയ, മെക്സിക്കോ, ജര്‍മനി, പോളണ്ട്, പെറു, ഇറാന്‍ എന്നീ രാജ്യങ്ങളാണ് കോവിഡ് ബാധിതരുടെ എണ്ണത്തില്‍ ആദ്യ 15 സ്ഥാനങ്ങളിലുള്ളത്.
