പത്തനംതിട്ട : ലോക ക്ഷയരോഗ ദിനാചരണത്തിന്റെ ജില്ലാ തല ഉദ്ഘാടനം മാര്ച്ച് 24 ന് അടൂര് എസ്എന്ഡിപി ഹാളില് നടക്കുമെന്ന് ജില്ലാ മെഡിക്കല് ഓഫീസര് (ആരോഗ്യം) ഡോ.എല്.അനിത കുമാരി അറിയിച്ചു. രാവിലെ ഒന്പതിന് ഗാന്ധി പാര്ക്കില് നിന്നും ആരംഭിക്കുന്ന റാലി ജില്ലാ പോലീസ് സൂപ്രണ്ട് സ്വപ്നില് എം മഹാജന് ഫ്ളാഗ് ഓഫ് ചെയ്യും. തുടര്ന്ന് നടക്കുന്ന പൊതു സമ്മേളനം ഡെപ്യൂട്ടി സ്പീക്കര് ചിറ്റയം ഗോപകുമാര് ഉദ്ഘാടനം ചെയ്യും.
അടൂര് നഗരസഭ ചെയര്മാന് ഡി.സജി അധ്യക്ഷത വഹിക്കും. ജില്ലാ പഞ്ചായത്ത് പ്രസിഡന്റ് അഡ്വ.ഓമല്ലൂര് ശങ്കരന്, ജില്ലാ കളക്ടര് ഡോ.ദിവ്യ എസ് അയ്യര് എന്നിവര് മുഖ്യാതിഥികള് ആയിരിക്കും. ആരോഗ്യ വകുപ്പ് ഉദ്യോഗസ്ഥര്, ജനപ്രതിനിധികള് എന്നിവര് ചടങ്ങില് പങ്കെടുക്കും. ക്ഷയരോഗ നിര്മ്മാര്ജന പ്രവര്ത്തനങ്ങളില് മികച്ച പ്രവര്ത്തനം കാഴ്ചവച്ചവര്ക്കുളള പുരസ്കാര വിതരണം, നഴ്സിംഗ് കോളജ് വിദ്യാര്ഥികള് അവതരിപ്പിക്കുന്ന വിവിധ കലാപരിപാടികള് എന്നിവയും ഉണ്ടായിരിക്കുമെന്ന് ഡിഎംഒ അറിയിച്ചു.
