തൃശൂര് : വിവാഹം കഴിഞ്ഞ് പിറ്റെ ദിവസം മുതല് കാണാതായ യുവാവിനെ ചേറ്റുവ കായലില് മുങ്ങി മരിച്ച നിലയില് കണ്ടെത്തി. തൃശൂര് മനക്കൊടി അഞ്ചത്ത് വീട്ടില് ശിവശങ്കരന്റെ മകന് ധീരജ് (37) നെയാണ് മരിച്ച നിലയില് കണ്ടെത്തിയത്. മരോട്ടിച്ചാല് പഴവള്ളം സ്വദേശി നീതുവും ധീരജും തമ്മിലുള്ള വിവാഹം കഴിഞ്ഞ ഞായറാഴ്ച്ചയാണ് നടന്നത്.
തിങ്കളാഴ്ച്ച മനക്കൊടിയിലെ വീട്ടിലേക്ക് എന്ന് പറഞ്ഞ് മരോട്ടിച്ചാലില് നിന്നും സ്കൂട്ടറില് പോയ ഇയാള് വൈകീട്ടും വീട്ടിലെത്തിയിട്ടില്ല. തുടര്ന്ന് ബന്ധുക്കള് നല്കിയ പരാതിയില് ഒല്ലൂര് പോലീസ് കേസ് രജിസ്റ്റര് ചെയ്ത് അന്വേഷിച്ചു വരികയായിരുന്നു. ചൊവാഴ്ച്ച ചേറ്റുവ കായലില് രാവിലെ 10.15 ഓടെ മല്സ്യ തൊഴിലാളികളുടെ വലയിൽ മൃതദേഹം കൂടുങ്ങുകയായിരുന്നു. ബന്ധുക്കള് മൃതദേഹം തിരിച്ചറിഞ്ഞു.
