ആലുവ : പ്രായപൂര്ത്തിയാകാത്ത പെണ്കുട്ടിയെ ലൈംഗികമായി പീഡിപ്പിച്ചയാള് അറസ്റ്റില്. വെളിയത്തുനാട് പുക്കാട്ടു വീട്ടില് ഷെഫീക്ക് (32) നെയാണ് ആലുവ പോലീസ് അറസ്റ്റ് ചെയ്തത്. ചികിത്സയുടെ ഭാഗമായി പെണ്കുട്ടി ഇയാളുടെ വീട്ടില് ഒരു മാസമായി താമസിച്ചിരുന്നു. ഈ സമയത്തായാണ് പീഡനം നടന്നത്. ഓട്ടോ ഡ്രൈവറായ ഇയാള് കുടുംബത്തോടൊപ്പമാണ് വീട്ടില് താമസിക്കുന്നത്.
പെണ്കുട്ടിയുടെ അമ്മയുടെ പരാതിയിലാണ് കേസെടുത്തത്. എസ്.എച്ച്.ഒ എല്.അനില്കുമാര്, എസ്ഐമാരായ എം.എസ്.ഷെറി, കെ.ആര്.മുരളീധരന്, എസ്.സി.പി.ഒ മാരായ ഷൈജ ജോര്ജ്, കെ.കെ.ഹില്മത്ത് തുടങ്ങിയവരാണ് അന്വേഷണ സംഘത്തിലുണ്ടായിരുന്നത്. കോടതിയില് ഹാജരാക്കിയ പ്രതിയെ റിമാന്ഡ് ചെയ്തു.