ദുബായ്: മാസങ്ങളായി യുഎഇയെ പൊള്ളിച്ചുകൊണ്ടിരിക്കുന്ന വേനൽച്ചൂടിന് ആശ്വാസത്തിന്റെ സൂചനയായി സുഹൈൽ നക്ഷത്രം ഓഗസ്റ്റ് 24ന് ആകാശത്ത് തെളിയും. സുഹൈലിന്റെ ഉദയത്തോടെ വേനൽച്ചൂടിന്റെ കാഠിന്യം പതിയെ കുറയാൻ തുടങ്ങുമെന്നാണ് ജ്യോതിശാസ്ത്ര നിരീക്ഷകരുടെ വിലയിരുത്തൽ. പകൽ ചൂട് ക്രമേണ കുറയുന്നതിനൊപ്പം രാത്രിയിൽ നേരിയ കുളിർമയും അനുഭവപ്പെടാൻ തുടങ്ങും. എന്നാൽ സെപ്റ്റംബർ അവസാനം വരെ ഉയർന്ന താപനിലയും ഈർപ്പവും തുടർന്നേക്കാമെന്നതിനാൽ ചൂടിൽ നിന്ന് ഉടൻ പൂർണ ആശ്വാസം ലഭിക്കില്ല. ഓഗസ്റ്റ് 20ന് ശേഷം താപനില ക്രമേണ താഴാൻ തുടങ്ങുമെന്ന് എമിറേറ്റ്സ് അസ്ട്രോണമി സൊസൈറ്റി ചെയർമാൻ ഇബ്രാഹിം അൽ ജർവാൻ പറഞ്ഞു. ഓഗസ്റ്റ് 24 മുതൽ സൂര്യോദയത്തിന് ഏകദേശം 40 മിനിറ്റ് മുമ്പ് തെക്ക്-കിഴക്കൻ ചക്രവാളത്തിന് സമീപം സുഹൈലിനെ കാണാനാകും. ഏകദേശം മൂന്നര മാസത്തെ ഇടവേളയ്ക്കുശേഷമാണ് നക്ഷത്രം വീണ്ടും ദൃശ്യമാകുന്നത്.
പത്തനംതിട്ട മീഡിയ ആപ്പ് പ്ലേ സ്റ്റോറില് ലഭിക്കും
വരിസംഖ്യയും പരിമിതികളുമില്ലാത്ത വാർത്തകളുടെ ലോകത്തേക്ക് വായനക്കാര്ക്ക് സ്വാഗതം. ചുരുങ്ങിയകാലംകൊണ്ട് ഓണ്ലൈന് മാധ്യമരംഗത്ത് ശ്രദ്ധേയമായ പത്തനംതിട്ട മീഡിയയുടെ മൊബൈല് ആപ്പ് (Android) പ്ലേ സ്റ്റോറില് ലഭ്യമാണ്, തികച്ചും സൌജന്യമായി ഇത് ഡൌണ് ലോഡ് ചെയ്യാം. https://play.google.com/store/apps/details?id=com.pathanamthitta.media&pcampaignid=pcampaignidMKT-Other-global-all-co-prtnr-py-PartBadge-Mar2515-1
