തിരുവനന്തപുരം: ദീർഘദൂര ബസ് യാത്രയിൽ യാത്രക്കാരുടെ സൗകര്യത്തിന് കൂടുതൽ പ്രാധാന്യം നൽകി കെഎസ്ആർടിസി പുതിയ ലക്ഷ്വറി സർവീസുമായി രംഗത്ത്. പുതിയ എക്സിക്യൂട്ടീവ് എസി വോൾവോ ലക്ഷ്വറി ബസ് സർവീസ് ഓഗസ്റ്റ് 20 (വ്യാഴാഴ്ച )മുതൽ നിരത്തിലിറങ്ങും. എസി വോൾവോ ബസിൽ ബിസിനസ് ക്ലാസ് നിലവാരത്തിലുള്ള സൗകര്യങ്ങളാണ് യാത്രക്കാർക്കായി ഒരുക്കിയിരിക്കുന്നത്. തിരുവനന്തപുരം–എറണാകുളം റൂട്ടിലാണ് പുതിയ സർവീസ് ആരംഭിക്കുന്നത്. യാത്രക്കാർക്കായി ഓൺലൈൻ ബുക്കിങ് ഇതിനകം ആരംഭിച്ചു. തിങ്കൾ മുതൽ വെള്ളി വരെയാണ് സർവീസ്. തിരുവനന്തപുരത്ത് നിന്ന് രാവിലെ 5.30ന് പുറപ്പെടുന്ന ബസ് കൊല്ലം അയത്തിൽ, ആലപ്പുഴ കൊമാടി, ഹൈക്കോടതി വഴി രാവിലെ 9.45ന് എറണാകുളത്ത് എത്തും. വൈകിട്ട് 5.30ന് എറണാകുളത്ത് നിന്ന് തിരിക്കുന്ന ബസ് ഇതേ റൂട്ടിലൂടെ രാത്രി 9.45ന് തിരുവനന്തപുരത്ത് തിരിച്ചെത്തും.
പത്തനംതിട്ട മീഡിയ ആപ്പ് പ്ലേ സ്റ്റോറില് ലഭിക്കും
വരിസംഖ്യയും പരിമിതികളുമില്ലാത്ത വാർത്തകളുടെ ലോകത്തേക്ക് വായനക്കാര്ക്ക് സ്വാഗതം. ചുരുങ്ങിയകാലംകൊണ്ട് ഓണ്ലൈന് മാധ്യമരംഗത്ത് ശ്രദ്ധേയമായ പത്തനംതിട്ട മീഡിയയുടെ മൊബൈല് ആപ്പ് (Android) പ്ലേ സ്റ്റോറില് ലഭ്യമാണ്, തികച്ചും സൌജന്യമായി ഇത് ഡൌണ് ലോഡ് ചെയ്യാം. https://play.google.com/store/apps/details?id=com.pathanamthitta.media&pcampaignid=pcampaignidMKT-Other-global-all-co-prtnr-py-PartBadge-Mar2515-1
