തൃശൂര്: തൃശൂരില് സ്മാര്ട്ട് ഫോണ് പൊട്ടിത്തെറിച്ച് വീണ്ടും അപകടം. തലനാരിഴയ്ക്കാണ് വയോധികന് രക്ഷപെട്ടത്. പട്ടിക്കാട് സിറ്റി ഗാര്ഡനില് കണ്ണീറ്റുകണ്ടത്തില് കെ.ജെ. ജോസഫിന്റെ ഫോണാണ് പൊട്ടിത്തെറിച്ചത്. കിടപ്പുമുറിയില് കട്ടിലിനോട് ചേര്ന്നുള്ള മേശയില് ചാര്ജ് ചെയ്യാന് വെച്ചിരുന്ന ഫോണാണ് പൊട്ടിത്തെറിച്ചത്. അപകടസമയത്ത് ജോസഫ് അടുത്തുണ്ടായിരുന്നെങ്കിലും പരുക്കേല്ക്കാതെ രക്ഷപെടുകയായിരുന്നു. റിട്ട. എയര്ഫോഴ്സ് ഉദ്യോഗസ്ഥനായ ജോസഫും ഭാര്യയും കൊച്ചുമകളുമാണ് വീട്ടില് താമസിക്കുന്നത്.
ചൊവ്വാഴ്ച വൈകുന്നേരം ഏഴ് മണിയോടെയാണ് സംഭവം. ചാര്ജ് ചെയ്യാനിട്ട ഫോണ് വലിയ ശബ്ദത്തോടെ പൊട്ടിത്തെറിക്കുകയായിരുന്നു. തീ ആളി പടര്ന്നെങ്കിലും കണക്ഷന് വിച്ഛേദിച്ച് വെള്ളമൊഴിച്ച് തീ അണച്ചു. ഏഴുമാസം മുമ്പാണ് പതിനായിരം രൂപയ്ക്ക് ഓണ്ലൈനില് ഷവോമി കമ്പനിയുടെ ഫോണ് വാങ്ങിയത്. പിന്നീട് അസാധാരാണമായി ചൂട് പിടിക്കുന്നത് ശ്രദ്ധയില് പെട്ടതിനെ തുടര്ന്ന് തൃശൂരിലുള്ള കമ്പനിയുടെ സര്വീസ് സെന്ററില് തന്നെ ഫോണ് സര്വീസ് ചെയ്തിരുന്നു.
