ന്യൂഡല്ഹി: യമുന നദി കരകവിഞ്ഞതിനെ തുടര്ന്ന് ഡല്ഹിയില് നിരവധി വീടുകള് വെള്ളത്തിനടിയിലായി.താഴ്ന്ന പ്രദേശങ്ങളില് വെള്ളം കയറിയതിനെ തുടര്ന്ന് 7000 പേരെ ഒഴിപ്പിച്ചു. ഇതില് പലരും റോഡരികിലാണ് കഴിയുന്നതെന്ന് റിപ്പോര്ട്ടുകള് വ്യക്തമാക്കുന്നു.കനത്തമഴയെ തുടര്ന്ന് വെള്ളിയാഴ്ച വൈകീട്ടാണ് യമുന നദിയിലെ ജലനിരപ്പ് അപകടകരമായ നിലയായ 205.33 മീറ്ററിന് മുകളിലെത്തിയത്. തുടര്ന്നാണ് തീരപ്രദേശങ്ങളിലുള്ളവരെ അധികൃതര് ഒഴിപ്പിക്കാന് തുടങ്ങിയത്. നിലവില് അപകടകരമായ നിലയിലും താഴെയാണ് യമുനയിലെ ജലനിരപ്പ്. ജലനിരപ്പ് ഇനിയും താഴുമെന്നാണ് അധികൃതര് പറയുന്നത്.
