ചേര്‍പ്പ് : തൃശൂര്‍ - കൊടുങ്ങല്ലൂര്‍ റൂട്ടിലോടുന്ന സ്വകാര്യ ബസില്‍വെച്ച്‌ വിദ്യാര്‍ഥിനിയെ പീഡിപ്പിക്കാന്‍ ശ്രമിച്ചയാള്‍ റിമാന്‍ഡില്‍. പുല്ലൂറ്റ് ചാപ്പാറ മുരിങ്ങത്തറ വീട്ടില്‍ സുരേഷിനെയാണ് (44) ചേര്‍പ്പ് പോലീസ് അറസ്റ്റ് ചെയ്തത്. ഇരിങ്ങാലക്കുട ബസ് സ്റ്റാന്‍ഡില്‍നിന്ന് തൃശൂരിലേക്ക് വരുന്ന സമയത്താണ് ഇയാള്‍ വിദ്യാര്‍ഥിനിയെ പീഡിപ്പിക്കാന്‍ ശ്രമിച്ചത്. ഇതോടെ ബസ് ജീവനക്കാര്‍ ചേര്‍പ്പ് പോലീസ് സ്റ്റേഷനില്‍ വിവരമറിയുക്കുകയായിരുന്നു. തുടര്‍ന്ന് പോലീസ് ബസില്‍നിന്ന് പ്രതിയെ അറസ്റ്റ് ചെയ്തു. കോടതിയില്‍ ഹാജരാക്കിയ പ്രതിയെ റിമാന്‍ഡ് ചെയ്തു.
