കണ്ണൂര് : സോളാര് പാനല് സ്ഥാപിക്കുന്നതിനിടെ കെട്ടിടത്തിന് മുകളില്നിന്നുവീണ് യുവാവിന് ദാരുണാന്ത്യം. ചിറക്കല് ആര്പ്പാതോടിന് സമീപത്തെ അഞ്ചുകണ്ടി പറമ്പില് കുനിയില് ഹൗസില് പ്രവീണ് (49) ആണ് മരിച്ചത്. കാഞ്ഞങ്ങാട് പള്ളിക്ക് സമീപത്തെ കെവിആര് ടാറ്റ ഷോറൂമിന്റെ മുകളില് സോളാര് പാനല് സ്ഥാപിക്കുന്നതിനിടെയാണ് കാല് തെന്നി വീണത്.
ചൊവ്വാഴ്ച പകല് മൂന്നുമണിക്കാണ് സംഭവം. അപകടം നടന്ന ഉടന് കണ്ണൂരിലെ സ്വകാര്യ ആശുപത്രിയില് എത്തിച്ചെങ്കിലും മരിച്ചു. സംസ്കാരം ഇന്ന് പകല് മൂന്നിന് പയ്യാമ്പലത്ത്. പരേതനായ ലക്ഷ്മണന്റെയും കമലാക്ഷിയുടെയും മകനാണ്. ഭാര്യ – സുനിത. മക്കള് – അഭിനന്ദ്, അനുഷ്ക. സഹോദരങ്ങള് – രാജീവന്, രത്നവല്ലി, അനിത, സന്തോഷ്.
