വെള്ളറട : മേശപ്പുറത്ത് കത്തിച്ചു വെച്ച മെഴുകുതിരിയില്‍ നിന്ന് തീ പടര്‍ന്ന് ഉറങ്ങിക്കിടന്ന യുവാവ് വെന്തു മരിച്ചു. പൂഴനാട് ചാനല്‍ക്കര വീട്ടില്‍ സതി (40) ണ് മരണപ്പെട്ടത്. വെള്ളിയാഴ്ച രാത്രിയായിരുന്നു സംഭവം. മേശപ്പുറത്ത് കത്തിച്ചു വെച്ച മെഴുകുതിരി ഉരുകിത്തീര്‍ന്ന അവസ്ഥയിലായിരുന്നു. മേഴുകുതിരിയില്‍ നിന്നും തീ മെത്തയിലേക്ക് പടരുകയും അതിൽ നിന്ന് സജിയുടെ ദേഹത്തേക്ക് തീ പടരുകയും ചെയ്തതാവാമെന്നാണ് പോലീസിന്റെ പ്രാഥമിക നിഗമനം.
തൊട്ടടുത്ത മുറിയില്‍ ഉറങ്ങുകയായിരുന്ന ഇയാളുടെ മാതാവ് ജയിനിക്ക് പൊള്ളല്‍ ഏറ്റിട്ടില്ല. ഇവര്‍ അറിയിച്ച പ്രകാരമെത്തിയ നാട്ടുകാരാണ് കത്തിക്കരിഞ്ഞ മൃതദ്ദേഹം കണ്ടെത്തിയത്. അവിവാഹിതനായ സതി മാതാവിനൊപ്പമാണ് താമസിക്കുന്നത്. മരണത്തില്‍ ദുരൂഹതയില്ലന്ന് സമീപത്ത് താമസിക്കുന്ന ബന്ധുക്കള്‍ പറഞ്ഞു. സ്ഥിരം മദ്യപാനിയാണ് സതി. മദ്യകുപ്പിയും സമീപത്തുണ്ടായിരുന്നു. എന്നാല്‍ അസ്വാഭാവിക മരണത്തിന് പോലീസ് കേസെടുത്തിട്ടുണ്ട്.
