ചങ്ങനാശേരി : കെഎസ്ആര്ടിസി ബസ് സ്റ്റാന്ഡില് സൂപ്പര് ഫാസ്റ്റ് ബസിന് അടിയില്പ്പെട്ട് യുവാവ് മരിച്ചു. ചെത്തിപ്പുഴ സ്വദേശി ടോണി തോമസാണ് മരിച്ചത്.
വൈകീട്ടു മൂന്നോടെ തിരുവനന്തപുരം-കോതമംഗലം സൂപ്പര് ഫാസ്റ്റ് ബസിന് അടിയില്പ്പെട്ടാണ് യുവാവ് മരിച്ചത്. ബസ് സ്റ്റാന്ഡില് നിര്ത്തി എടുക്കുന്നതിനിടയിലാണ് അപകടമെന്ന് ദൃക്സാക്ഷികള് പറയുന്നു. യുവാവിനെ മറ്റൊരാള് തള്ളിയിട്ടതാണെന്ന സംശയവുമുയര്ന്നു. ഒരാളെ പോലീസ് കസ്റ്റഡിയില് എടുത്തിട്ടുണ്ട്.
