നേമം : രണ്ടാം നിലയില്‍ കെട്ടിടം പണി ചെയ്യുന്നതിനിടെ ഇടി മിന്നലേറ്റ് യുവാവ് മരിച്ചു. കല്ലിയൂര്‍ കാക്കാമൂല തൊങ്ങല്‍വിള വീട്ടില്‍ കുഞ്ഞപ്പി-വാസന്തി ദമ്പതികളുടെ മകന്‍ വിനീഷ് (26) ആണ് മരിച്ചത്. വെടിവച്ചാന്‍ കോവില്‍ താന്നിവിള കസ്തൂര്‍ബ കേന്ദ്രത്തിന് സമീപം ഗോപിയുടെ വീട് പണിയായിരുന്നു. വീടിന്റെ മുകളിലത്തെ നിലയിലെ ജനല്‍പാളി തറയ്ക്കുകയായിരുന്നു വിനീഷ്. ഈ സമയം മിന്നലേറ്റ് വിനീഷ് തറയിലേക്ക് തലയിടിച്ച്‌ വീഴുകയായിരുന്നു. മെഡിക്കല്‍ കോളേജ് ആശുപത്രിയില്‍ എത്തിച്ചെങ്കിലും രക്ഷിക്കാനായില്ല.
