കോട്ടയം: ദിവസവാടകയില് എടുത്ത കാറുമായി മുങ്ങിയ പ്രതി പോലീസ് പിടിയില്. കാര് എടുത്തശേഷം പണവും വാഹനവും മടക്കി നല്കാത്ത പട്ടിത്താനം സ്വദേശി ആന്റണി വര്ഗീസാണ് (33) കുറവിലങ്ങാട് പോലീസിന്റെ പിടിയിലായത്. ഇയാളുടെ പേരില് ജില്ലയിലെ വിവിധ സ്റ്റേഷനുകളില് വധശ്രമവും കഞ്ചാവ് വില്പനയുമടക്കം നിരവധി കേസുകളുണ്ട്. പൂച്ചാക്കല് സ്വദേശിയായ പ്രശാന്തില്നിന്നാണ് ഇയാള് ഒരാഴ്ചത്തേക്ക് മാരുതി ബ്രെസ കാര് വാടകക്കെടുത്തത്. ഇതിനുശേഷം വാഹന ഉടമ വാടകക്കും വാഹനത്തിനുമായി ഫോണില് വിളിച്ചിട്ടും ഇയാള് ഫോണ് ഓഫ്ചെയ്ത് മുങ്ങി. തുടര്ന്ന് പ്രശാന്ത് കുറവിലങ്ങാട് പോലീസിൽ പരാതി നല്കുകയായിരുന്നു. കുറവിലങ്ങാട് എസ്.എച്ച്.ഒ നിര്മല് ബോസിന്റെ നേതൃത്വത്തിലുള്ള സംഘമാണ് പ്രതിയെ പിടികൂടിയത്.
ദിവസവാടകയില് എടുത്ത കാറുമായി മുങ്ങിയ പ്രതി പോലീസ് പിടിയില്
RECENT NEWS
Advertisment