പുനലൂര് : മൂന്ന് കോടിയോളം രൂപ വിലവരുന്ന ഹാഷിഷ് ഓയിലുമായി ആന്ധ്രസ്വദേശികളായ യുവതികള് പിടിയിലായതായി എക്സൈസ്. വിശാഖപട്ടണം ധനഡുകൊണ്ട സ്വദേശി പംഗി ഈശ്വരമ്മ (35), കുന്തര്ലാ സ്വദേശി കോട എല്സാകുമാരി (23) എന്നിവരാണ് 1.2 കിലോ ഹാഷിഷ് ഓയിലുമായി അറസ്റ്റിലായത്.
ആന്ധ്രപ്രദേശ് കേന്ദ്രമാക്കി പ്രവര്ത്തിക്കുന്ന വന് ലഹരിമാഫിയയില് ഉള്പ്പെട്ടവരാണ് പിടിയിലായതെന്ന് എക്സൈസ് പറഞ്ഞു. ജില്ലയിലെ കിഴക്കന്മേഖല കേന്ദ്രീകരിച്ച് ഹാഷിഷ് ഓയില് മൊത്ത കച്ചവടം നടക്കുന്നെന്ന് കൊല്ലം ഡെപ്യൂടി കമ്മീഷണര് ബി സുരേഷിന് രഹസ്യവിവരം ലഭിച്ചിരുന്നു.
തുടര്ന്ന് ‘ഓപ്പറേഷന് ഡെവിള് ഹണ്ട്’ എന്ന പേരില് നടത്തിയ നിരീക്ഷണത്തിനൊടുവിലാണ് സംഘത്തെ പിടികൂടിയത്. ബുധനാഴ്ച വൈകീട്ട് പുനലൂര് ചെമ്മന്തൂര് മാര്ക്കറ്റിന് സമീപത്തെ റെയില്വെ അടിപ്പാത ഭാഗത്തുനിന്ന് യുവതികളെ പിടികൂടുകയായിരുന്നു.