കോട്ടയം : കുടുംബ വഴക്കിനെ തുടർന്ന് അയൽവാസിയെ വെട്ടിയ ശേഷം മീനച്ചിലാറ്റിൽ ചാടിയ യുവാവിനെ പിടികൂടി. കോട്ടയം മഠത്തിപ്പറമ്പ് സ്വദേശി നാസറിനെ വെട്ടിയ ശേഷം മീനച്ചിലാറ്റിൽ ചാടിയ അയൽവാസിയായ എബിൻ ആണ് പിടിയിലായത്.
ആത്മഹത്യ ഭീഷണി മുഴക്കി ആറിനു നടുക്കുളള മരക്കൊമ്പിൽ കയറിയിരുന്ന യുവാവിനെ അഗ്നിശമനസേനയും പോലീസും ചേർന്നാണ് പിടികൂടിയത്. പരുക്കേറ്റ നാസറിനെ കോട്ടയം മെഡിക്കൽ കോളജിലേക്ക് മാറ്റി. പരുക്ക് ഗുരുതരമല്ല.
