കായംകുളം : മദ്യപിച്ചെത്തിയ പിതാവ് മകളെ കാലില് തൂക്കി നിലത്തടിച്ചു. ആലപ്പുഴ കരീലകുളങ്ങരയിലാണ് സംഭവം. കുട്ടിയുടെ പിതാവ് പത്തിയൂര് സ്വദേശി രാജേഷിനെ പോലീസ് അറസ്റ്റ് ചെയ്തു.
കഴിഞ്ഞ ദിവസമാണ് സംഭവം നടന്നത്. രാജേഷ് സ്ഥിരമായി മദ്യപിച്ചെത്തി വഴക്കിട്ടിരുന്നതായാണ് വിവരം. കഴിഞ്ഞ ദിവസവും ഇത് തന്നെ ആവര്ത്തിച്ചു. ഇതിനിടെയാണ് ഏഴ് വയസുകാരിക്കു നേരെയുള്ള അതിക്രമമുണ്ടായത്. ഗുരുതരമായി പരിക്കേറ്റ കുട്ടിയെ ആലപ്പുഴ മെഡിക്കല് കോളജ് ആശുപത്രിയില് തീവ്രപരിചരണവിഭാഗത്തില് പ്രവേശിപ്പിച്ചിരിക്കുകയാണ്.